Bizigarritasun zedulak

Nasursa Sareko bulegoak bizigarritasun zedulak emateko eta berritzeko txostenak egiteaz eta idazteaz arduratzen dira bai eginak dauden etxebizitzetarako bai berrietarako.

Zer dira bizigarritasun zedulak?

Bizigarritasun zedulak agiriak dira eta ziurtatzen dute etxebizitza batek bete egiten dituela Nafarroako Gobernuak eskatzen dituen gutxienezko baldintzak. Agiriok derrigorrezkoak dira hala etxebizitza berrietarako nola jadanik eraikita dauden haietarako.

Zer prozedura dago bizigarritasun zedula lortzeko?

Behin Zaharberritze Bulegoan agiri guztiak aurkeztuta, bai eta bizigarritasun zedula ere, bulegoko teknikari batek obra/etxebizitza bisitatu eta dagokion txostena eginen du.

Zaharberritze Bulegoak Nafarroako Gobernura helaraziko ditu eskaera eta txostena, Gobernuak bizigarritasun zedula eman, eskatu edo ukatu dezan.

Zer agiri aurkeztu behar ditut Zaharberritze Bulegoan, zedula lortzeko?

• Etxebizitzaren jabetza edo okupazio-titulua ziurtatzen duen agiria. (Etxebizitzaren eskritura edo errentamendu kontratua).
• Etxebizitzaren antzinatasunari, helbideari eta katastro-erreferentziari buruzko datuak.
• 1985eko uztailaren 1aren ondotik, bizigarritasun baldintzak eta azalera aldatzen dituzten obrak etxebizitzan egin ez izanaren zinpeko adierazpena.
• Eskatzailearen nortasun agiria NANaren bidez, I.F.Z.aren bidez edo ordezkaritzarik badu (auzokide erkidegoko ordezkaria, esaterako), horren egiaztagiriaren bidez.

Dokumentazioa (PDF moldean jaitsi daiteke)

Bizigarritasun zedularen eskabidea

(ES, PDF 252 KB)

Bizigarritasunaren Zinpeko Adierazpena

(ES, PDF 16 KB)